Karlmenn eru ekki alveg að gera sig þessa daganna... allavega ekki hvað mig varðar. Meira að segja herra Óli Lokbrá mætti ekki til mín í nótt svo að stelpan var andvaka.

Frænka mín sýndi mér kassa fullan af myndum frá hennar dögum í lagadeildinni. Samnemendur hennar sýndust vera ofurölvi... svipað og þessi tjúttkveld sem tekin eru hjá okkur í lagadeild HR.
Það athygliverða við myndirnar var að andlitin eru eilítið þekktari heldur en gengur og gerist. Þarna voru ráðherrar, prófessorar og þekktir lögfræðingar á heldur vandræðalegum augnablikum.
Bretinn í mér tök völdin örskamma stund ... hvernig væri að nýta þessa upplýsingasprettu og fá sér starf hjá Séð og Heyrt? ... Sjáið til í Bretlandi er nefnilega gula pressan alls ráðandi og allt svona lagað er grafið upp um fyrirmenni samtímans.Sé fyrir mér fyrirsögnina í þessum hallærislega Séð og Heyrt stíl ... Ráðherra með mottu á höfðinu!

Í kassa frænku minnar var einnig jólakort frá samnemanda hennar... Maðurinn var einungis klæddur í hvíta sportsokka og hvíta boxernærur og var að hoppa í hjónarúmi. Við nánari athugun kom í ljós að húmoristinn reyndist vera einn hinna allvirðulegu kennara við HR! Hvað segir kallinn?... Á ekki að hækka stelpuna í einkunn...? :)

Já ef það er eitthvað sem stelpan hefur lært við að skoða í kassann hjá frænkunni ...þá er að bernskubrek geta síðar komið manni í vesen. Ætti í raun að sýna forsjálni og hætta að mæta á Sorapollinn...