Engin rauð naut takk!
Ótrúlegt hvað ég get sofið! Ég er búin að vera í afslöppun samkvæmt læknisráði eftir að hafa greinst með blæðandi magasár. Sett á sérstaka fæðu sem telst álíka spennandi og heimsmeistaramótið í krullu (Curling). Ekki að ég hafi neitt á móti krullunni...skil samt ekki af hverju það flokkast undir íþrótt að henda hnullungi eftir ís og sópa í leiðinni!

Fór samt sem áður á tjúttið á laugardagskveldið. Kíkt á Vegamót með Önnu til að skoða kúrufélagann hennar. Á leið minni út hitti ég börþdeyboj ásamt gyðingnum og föruneytið hélt á Sorann. Ljóshærður barþjónn hefur án allra fyrirvara orðið minn besti vinur og heilsar mér með virtum...tvennt í stöðunni...að ég sé alltof oft þarna eða ég hafi verið sauðdrukkin. Hugsanlega báðir möguleikarnir réttir! (argh...)
Litum við á Sólon eftir að Loginn og félagar hans bættust í hópinn.
Á leið heim ásamt tveimur karlmönnum hitti ég æskuástina mína sem leit á mig furðulostinn og spurði hvort ég væri með tvo í takinu...ég beygði mig fram og svaraði pent. Litlu hvolpaaugun hans störðu á mig skunda upp Laugarveginn velvopnuð tveimur verðandi lögfræðingum með meiru. Fyndið hvað fólk getur slúðrað um akkúrat ekki neitt!