Flugeldabombur vs. sílíkonbombur

Nótt menninga var tekin á heldur undarlegum nótum þetta árið. Eyddi flugeldasýningunni karlsmannslaus með vinkonu minni...furðulega einmanalegt að horfa á alla knúsast í birtunni frá sprengjunum og fá ekki neitt sjálf. Göntuðumst með það vinkonurnar að reyna að veiða karlmenn svona rétt fyrir sjóvið með von um gott faðmlag eða tvö. Tvær mínútur í ellefu var aflinn kominn í ljós...tveir fimmtugir kallar frá Fáskrúðsfirði með grátt hár og ístru. Lét mig frekar hafa það að vera knúslaus!

Ákvað aldrei þessu vant að sleppa Hverfiz og þvílíkur glymrandi stemmari. Tók smá stopp á Mojito en restin að kveldinu eyddi ég með fótboltaliðinu Núma inni á Vegamótum.
Á slaginu þrjú í nótt var skrúfað fyrir tónlistina og framlag Vegamóta til Menningarnætur var kynnt. Tvær beyglur með útúrtúttnaðar sílíkonsvalir fækkuðu fötum meðan trylltir karlmenn hertóku svæðið kringum sviðið og á svölunum. Tveimur lögum seinna voru strípalingarnir allsnaktar í samfarastellingum á gólfinu og þegar önnur fór á hnén var köttað á senuna. Eftir stóðu stjarfir um hundrað karlmenn með bjánaglott á vörunum...við tók heldur ákaft veiðieðli enda ekki við öðru að búast eftir sýningu sem þessa :)

Hádegismatur á Vegamótum með Örnu og Grétari þar sem mál næturinnar voru rædd niður í kjölinn. Ég er ekki ennþá að trúa því sem fram fór á sviðinu í gær...stórefast um að Vegamótarmenn hafi séð fyrir þessa svæsnu lokasenu stelpnanna...

takk fyrir tjúttið
tjá tjá