ELO stigin mín

Boðið í kúruheimsókn til vinar míns á sunnudaginn. Ætluðum að horfa á sjónvarpið og hafa það notalegt. Mæti í chill-fatnaði ready fyrir sófann...Kúturinn spyr hvort við eigum ekki að tölta og fá okkur einn bjór. Alltaf til í að kíkja í kollu...röltum saman inn á SIRKUS. Ef það er einhver staður í heiminum sem stelpan fittar ekki inn erða þessi staður. Jesús minn almáttugur hvað mér leið spes...svona soldið eins og Björgólfur Thor í Kolaportinu og þó á ég ekkert sameiginlegt með þeim manni.
Kappinn fer að segja mér frá brenglaðri jeppaferð sem endaði með því að Björgunarsveitin reddaði málunum. Rosa stuð og stelpan fær ELO stig fyrir hvern djók sem hittir í mark og við fáum okkur annan...og svo annan. Færðum okkur yfir á Kaffibarinn og sátum að sumbli þartil ekki sást í borðið okkar fyrir Thule flöskum. Hreinsuðum borðið og tæmdum annað eins magn af flöskum. Svona skelltu þessu í þig Tinna...við erum að fara annað. Stelpan að átta sig á því að í þetta skipti var hún ekki að fara að keyra heim. Ölstofan og tveir white russian í flýti því herra "getur ekki setið kyrr" vill fara annað...Hversu mikið white trash fílingur er það að rúlla út af Sirkus blekaðri en andskotinn klukkan tvö aðfaranótt mánudags???